陳煒出糕招凸圍

陳法蓉（Monica）、陳煒、羅霖、黃佩霞等，昨日統統以性感deep V裙上陣，出席設計師何國鉦2012春夏系列高級時裝匯演，實行大鬥性感。期間陳煒更不小心露出左胸缽仔糕，在波濤洶湧的情況下成功凸圍。

穿上橙色deep V裙的Monica笑言自己有好身材，故不怕穿性感服裝，她更自爆因工作繁重，導致消瘦不少，揚言希望增磅，她表示：「成日內地同香港走來走去，主要都係拍廣告、出席活動同代言產品嘅宣傳。不過因為我好黐家，做完就想返屋企，所以舟車勞頓。」

放大圖片	黃佩霞屬有料之人，性感自然難不倒她。

跟羅慧娟成日見

問到之前盛傳病重的好友羅慧娟的情況？Monica坦言二人經常見面，並指對方十分精神，她續說：「之前有影到佢同老公拍拖，佢哋一向都好sweet，成日行街、睇戲、食飯，佢老公好好，會帶埋我一齊。」至於有指羅慧娟日漸消瘦，她坦言肥瘦並不重要，最重要是開心及健康。問到羅慧娟是否已痊愈？她笑言：「我都冇話過佢病，佢嘅嘢都係問番佢自己好啲。大家唔好亂估，估錯就唔好啦！」

何國鉦獲好友黃美儀捧場。

陳法蓉表示因工作繁忙消瘦，渴望增磅。

幾年冇拍劇唔慣

另外，陳煒前晚為無綫節目錄影，剛與無綫簽約不久的她即獲得不少工作機會，問她是否習慣？她說：「其實都有好多熟口熟面嘅工作人員，都比預期友善，（無綫同亞視分別？）化妝間好似花市咁多人！」她又透露正為《金枝慾孽（貳）》拍攝：「幾年冇拍劇都有啲唔慣，啲對白好咬文嚼字，都有NG，不過慢慢咁進步。」

文：名人組