鄭中基、杜汶澤前晚出席電影《嫁個100分男人》首映，兩男被司儀要求自我評分，阿澤即指自己值40分，並評中基因多了一個囡囡而值60分，但中基則自誇值100分，事後他解釋說：「有滿分可以慢慢扣！（追個囝囝？）努力吓！我唔心急！（補擺酒？）等吓先！囡囡八個月開始識講嘢，但好似淨係識叫媽媽，（唔叫爸爸？）我成日有見佢o架！但喺佢耳邊提佢叫爸爸都唔成功！」中基囡囡雖然暫未識叫爸爸，但她亦遺傳了其父親音樂細胞，中基笑說：「佢喊時一聽到歌就停喊！喜劇細胞我就未發現。」
