江若琳爆曾撻着圈中男
江若琳（Elanne）入行一直未有承認拍拖，昨日與杜汶澤接受查小欣訪問，講到現實生活可有天使出現？Elanne坦言當然有，並說是圈中人。如何感謝他？Elanne謂：「拍過一段時間拖，但最後不歡而散。（點解？）其實個男仔鍾意咗我幾年，直到我最唔開心、最低潮時，佢話任何人話唔信我佢都信我，嗰刻感到好有愛。（為何無疾而終？）當時每日有好多狗仔隊跟唔能夠出街，怕又要回應其他嘅事，每日只係靠講電話維繫，最後就冇一齊。」阿澤則笑言現在她沒有狗仔隊跟，可與對方復合？Elanne表示：「人哋已有佢嘅幸福啦。」
另外，問阿澤可有成王維基挖角目標？阿澤笑言自己只是三、四線二打六演員，對方不會識他。說到與Elanne合作，他笑言任何關係都是一種緣，要對一個人一世好好，點都有啲缺失，但對住嗰廿幾日要好唔難。真實生活可有缺失過？阿澤即笑道：「十成九有缺失啦，千瘡百孔添，飯局點只食一餐，仲圍圍都有大佬，點只得一個呀。」