阿倫返無綫唔使帶路
譚詠麟（阿倫）自四大與無綫破冰後，前晚首次踏足電視城為慈善節目《博愛歡樂傳萬家》的錄影任壓軸嘉賓，他早前曾開玩笑指要靠鄭裕玲（DoDo姐）作其導盲犬，不過未知是否怕對方生氣，他改口風說：「兩年幾無嚟無綫，唔使搵Do姐帶路！」早前他與「紅顏知己」Wendy同遊韓國被影到，他表示：「我都唔知有人影，可能係遊客影嚟賺番啲旅費啦。」
而低胸亮相的高海寧透露近日正積極埋首寫書，準備加入書展的「混戰」，更笑言自己寫到腦閉塞：「我會寫埋以前成日畀人博懵嘅嘢，（例如？）試過畀人整污糟條裙！」不過就未肯明言被甚麼所弄髒。身材驕人的她會否於書中教人豐胸秘技？她則笑說：「呢啲媽咪遺傳，無得教o架喎！」
