法拉一味浪漫 三點式行禮

陳法拉與莊思敏昨日出席SHISEIDO活動，法拉透露將會出席未來妯娌諸葛紫岐的婚宴，已與男友薛世恒準備好禮物送給一對新人，但她大賣關子，只表示不是傳統的金器。問到諸葛屆時會否斟茶給她？法拉稱：「唔知呀！不過我嗰朝早要做嘢，夜晚先可以去飲宴。（會唔會補斟？）唔知，我唔知程序同安排。」

要男友穿白色泳褲

提到諸葛舉行盛大婚禮，法拉坦言每人喜好不同，自己則喜歡浪漫及接近大自然的婚禮：「自己鍾意大自然，好似沙灘或者海邊。（着比堅尼？）可以着白色比堅尼。（男友呢？）白色泳褲，都係着潛水衣。（怕睇蝕？）我對自己同佢嘅身形都好有信心。」她坦言籌備婚禮需時，要待較清閒才可安排。

莊思敏的新舖下星期開幕。

陳法拉笑言要男友薛世恒穿白色泳褲行禮。（資料圖片）

有傳法拉不滿拍檔陳敏之向劇組度期接job，法拉否認此事：「拍戲好難冇變化，改場、拍唔晒好正常，大家都唔會有工作上嘅情緒。」她強調二人是好友，私下不時相約吃飯。陳敏之出席另一活動時亦稱：「其實每個演員都會度期出去搵食，大家溝通得好，唔會令大家唔開心，亦唔會影響友情。」

莊思敏妹妹冇得蒲

另外，莊思敏透露與兩位妹妹及友人合資七位數、位於中環的時裝店將於下星期開幕。她指妹妹莊思華答應會多放時間打理舖頭。記者笑指思華豈非沒時間夜蒲？莊思敏笑言：「所以咁近蘭桂坊。（方便佢蒲？）唔係，覺得嗰度客源啱啲。」

文：名人組