杜汶澤車震DaDa預埋老婆
「百果園咪神」陳靜（DaDa）、杜汶澤、葉山豪及導演彭浩翔昨日代表新片《低俗喜劇》，一起出席《第36屆香港國際電影節——電影海報展開幕禮》。祝酒時，阿澤叫DaDa「識做啲」，勿以酒杯遮擋「事業線」，其後又扮對方夾胸，笑爆全場。
獻身博上位
剛從日本返港的DaDa透露，在片中飾演女明星，為求做女主角不惜獻身飾演監製的杜汶澤。問到是否影射娛樂圈有女星「賣肉上位」？她說：「其實好多都係聽聞，當然冇發生過喺我身上。」
至於阿澤笑言以「不露不剪不切」利誘曾在三級片中「受盡折磨」的葉山豪加盟。阿澤又感謝彭導願意拍攝純香港製作的電影，並說：「我曾經有套戲喺內地送檢，但最後被批評為『低俗、低俗、低俗』，所以今次拍得好開心，因為唔使妥協。」
冇影射成分
談到在片中獲DaDa送秋波，阿澤說：「唔止咁，我哋仲會車震添！（使唔使向老婆田蕊妮備案？）唔使，佢都有份演，哈哈！」問到獻身橋段是否有影射成分？他說：「部戲係講圈中光怪陸離嘅故事，唔算影射嘅！」
文：影視組