小方錢任使 Stephy喪血拼

上月底小方跟Stephy到歐洲旅行預支蜜月，前晚兩人結束十四日浪漫之旅返港。穿上短tee熱褲的Stephy，跟着住桃紅色包到上頸外套的小方，相映成趣。兩人各自推住行李車出閘，司機即第一時間上前為Stephy推行李。兩人步往停車場時，一直並肩而行。

一定會還錢

Stephy透露當日在巴黎凱旋門被賊仔偷銀包：「我完全唔察覺有人走近過，被人偷咗都唔知，喺去到餐廳食飯先知銀包冇咗。」小方表示到了當地差館報案，從警員口中得知前一日亦有遊客在該處被偷銀包。小方自責笑說：「我知你會問我點解冇好好照顧佢，因為當時我掛住影相囉！」被偷銀包的Stephy笑言化悲憤為力量，瘋狂購物：「因為冇錢冇晒信用卡，所以買嘢要借小方張信用卡碌。（乘機唔還錢？）唔得，我怕佢起釘，數還數，梗係要還番畀佢。」

小方負責推行李，不讓女友操勞。	鄧麗欣對英國留下良好印象。	小方開心欣賞英超比賽。

第一次到巴黎就遇上小偷，令Stephy對花都留下壞印象：「巴黎好靚充滿藝術，但被人偷嘢，偷埋心情係冇咁開心！相比之下我鍾意英國多啲，覺得英國好大城市，好乾淨。」

陪男友睇波

由於朋友關係，身為阿仙奴擁躉的小方得以親到當地球場睇英超比賽：「仲想睇埋巴塞隆拿嗰場賽事，但因為Stephy唔見銀包，要留巴黎搞證件，趕唔切返英國。」不是球迷的Stephy為陪男友亦投其所好：「現場所有人全情投入好熱鬧。」

文：音樂組