李泳豪新歡公開撒嬌：等着你呀！

楊思琦前日於微博自揭做了媽媽，並直言要盡快投入工作。當日被狠飛的前男友李泳豪，雖然曾經為舊情哭了不少遍，但最終亦成功走出陰霾結識新女友。

扭轉女尊男卑頹風

本報率先踢爆放下過去的豪仔，新女友為中韓混血兒，名叫Miki，現年25歲，外形可愛，甚有宅男女神陳嘉桓影子，她兼職模特兒，平時喜歡烹飪。豪仔教飄移時認識同樣喜歡玩車的Miki，相比起過往和楊思琦拍拖，外間不時將兩人收入和成就互作比較，加上性格和作風，形成了「女尊男卑」關係，目前有了溫柔而且事事聽話的女友，豪仔的確開心不少。

對於和Miki拍拖，豪仔大方地說：「我係識咗個中韓混血女仔，係年頭經朋友介紹。（過咗第一個情人節？）只係識咗幾個月，未去到咁深入，互相了解中。（見咗家長？）未，佢識睇中文報紙，我驚講錯嘢嚇親佢。（點樣撻着？）啱傾同埋緣分囉。」豪仔坦言新女友對他和思琦的事亦有所聽聞，豪仔說：「佢有睇報紙，亦知我承受好大壓力，佢好體諒我，但我重申，我係男人，唔想大家成日覺得我好慘咁！」

自從和Miki交往後，豪仔經常不避嫌和她在網上傳情，昨日Miki向豪仔詐嬌，直呼：「李泳豪，等着你呀！」原來她在要求男友為她買Hello Kitty精品，豪仔未夠十分鐘即覆，答應一定會買。

至於前日思琦自爆生女，Miki亦在網上隔空向豪仔作出鼓勵：「每個人都有這樣的經歷吧！躺在夜裏卻怎麼亦睡不着。會有許多許多畫面在自己腦海裏，曾經的你、曾經的我、曾經的我們。」

不覺得張秀文追求

豪仔大讚新女友令他重新振作，他說：「我真係開心咗，係呢個女仔成日同我傾偈、溝通，幫咗我。」

至於有傳《結‧婚@謊情式》的張秀文主動對他展開追求，卻礙於其港姐身份令他有所避忌，豪仔說：「我唔覺得佢有追我，亦都唔關陰影事，緣分嘅嘢唔係就唔係。」

文、攝：追蹤組