朱慧敏落髮做律師
朱慧敏、吳家樂、莊思明及劉丹等昨日為無綫全新處境劇《愛‧回家》試造型，朱慧敏表示因禁不起監製「游說凶鈴」而剪短髮：「監製隔日打電話嚟問，仲叫我剪完之後send相畀佢睇。」並笑言因「落髮」而節省不少洗頭水。飾演律師的她自言，角色與自己遭遇相似：「角色係選美出身，但因厭倦娛樂圈而轉做律師，我會同黎諾懿演一對，其實我選港姐嗰陣已經同佢表演過跳舞。」
至於左眼剛完成手術的吳家樂全程眼紅紅：「原本以為好小事，只係做激光，後來發覺視網膜脫落位置好近黃斑點而要開刀。」並指目前視力僅得八成，未知能否復原。