阿倫回歸唔知碇 要嘟嘟做狗

阿倫、農夫和嘟嘟昨日齊齊現身為本月17日舉行的「博愛歡樂傳萬家」出席記者會，同場還有關心妍、高海寧、陳庭欣、鄭欣宜、胡渭康等。阿倫和農夫均以回歸姿態重返無綫演出，愛搞笑的阿倫更言已兩年多沒有到電視城，要嘟嘟做他「導盲犬」，否則就選他做她的狗公，因嘟嘟太耐冇人「吼」，而嘟嘟即笑言：「你兜個圈嚟鬧我係狗啫！」

唔驚夥拍嘟姐

阿倫推出新碟正好回歸無綫，他開心說：「係天衣無縫、冇得頂。」又透露稍後無綫更會為他出外拍音樂特輯，時間地點還未落實。至於農夫雖然去年曾轉投別台主持遊戲節目，但無綫竟不計前嫌主動找兩人回巢，與嘟嘟合作主持新遊戲節目《七百萬人的數字》，三月底開始錄影。

陳庭欣穿性感大露背裙亮相記招。

陸永（中）與C君及欣宜出席活動，之後上載囡囡滿月照。

對於兩人重返無綫即被重用主持新節目，農夫成員C君表示：「係有咁嘅事，返無綫見到啲crew都話好耐冇見好開心！（同嘟嘟合作驚唔驚？）唔驚，嘟嘟嘅規矩係準時，我哋平時做嘢都係有早冇遲！」

關心妍善心爆棚，為博愛騷獻歌。

高海寧與胡渭康將為博愛籌款出力。

講到沒有遭無綫封殺反找兩人做主持？陸永說：「我哋都冇仇怨，當日係合約滿咗唔係反面走，我哋亦唔係去偷食，只係分開後再經歷一段感情！」而陸永稱與嘟嘟是第二次合作，初次接觸是為台慶做司儀，當時嘟嘟因見兩人樣貌「岩巉」誤以為他們是燈光和FM同事，陸永笑言合作過便知他們有非一般年輕人才智。

陸永囡囡滿月

另外，陸永的愛女「陸一穎」昨日滿月，陸永將寶貝女的新look放上微博分享，他說B女的生日願望是盡快戒夜奶，生活健康，不再夜蒲玩通頂，最重要是孝順父母。

文：音樂組