栢芝減產籌備巡唱
當年曾與星爺傳鬧不和的張栢芝，最近被封金掃帚獎影后後，負面消息接踵而來，有指《情謎》、《無價之寶》兩位製作人於微博力斥栢芝一切以錢掛帥。不過，有綜藝節目《快樂大本營》的工作人員，卻力證她分文不收亮相宣傳，態度相當專業。
據悉，栢芝心情無因此受損，積極投入錄音工作，為下半年舉行的世界巡迴演唱會做準備工夫。而其經理人余毓興則承認栢芝本年度將減產拍戲：「因為根本都冇時間接戲，淨係演唱會都講緊15至20場，由北京唱到去美加。（傳栢芝搭路幫涉毆打的士司機惹官非的Makiyo加入你哋公司？）到呢一刻為止都冇傾過，其實Makiyo同台灣經理人嘅合約都未知點處理。（冇興趣簽佢？）如果一切明朗化，Makiyo有需要轉戰內地市場嘅話，我哋都願意幫佢嘅。」對於近日炒作的是非，余先生則坦言不欲回應，以免平白幫人宣傳。