學友護妻：冇咁大件事
現年45歲的羅美薇息影多年，婚後專心相夫教女養尊處優，加上勤做運動Keep Fit，外貌和身材依然保持魅力。據知日前羅美薇到跑馬地馬會健身，做運動時眼部不適，有男職員竟挑逗問：「使唔使吹？」令她甚為氣結，怎知對方沒有反省，之後再見羅美薇手指受損，竟向她舉中指疑似不文手勢。
員工停職
羅美薇不忿連環受辱，向老公學友「求救」，學友為妻出頭向馬會投訴，昨日他完成福州巡唱返港步出機場時，對於老婆疑受性騷擾，學友說：「冇咁大件事，係不禮貌對待，性騷擾係刑事，我冇寫信投訴，只係口頭同馬會投訴，馬會係非常嚴謹機構，職員停職接受調查。」
文化不同
職員是否問羅美薇「使唔使吹」及向她舉中指？學友說：「佢講英文，唔係香港人，係言語同肢體上有不適當表達，懶幽默！老婆唔嬲都唔使同我講啦，其實佢忍咗一陣，朋友話見過呢個職員有類似情況，所以我先投訴。（問會否請保鏢保護妻女？）唔使，可能大家文化唔同。」此外，學友透露日前冒雨演出福州巡唱，對於孫燕姿因舞台濕滑仆倒，他指戶外演出要小心，自己的巡唱試過有舞蹈員扭傷和工程人員跌落台，幸沒大礙。
文：音樂組