張智霖碌黑卡 即試即買
張智霖（Chi Lam）一向愛車如命，日前再添一架慳油車，他大方表示將會把「新玩具」與太太袁詠儀分享。購下心頭好後，他急步往麵包店買包醫肚。
Chi Lam近日分別接下電影及電視劇工作，銀包水漲船高，繼花上數百萬購入名車後，日前他再現身銅鑼灣某車行，對推出僅數月、價值二十餘萬的Fiat 500「玩具車」虎視眈眈。當天一身型爆打扮的他吸引不少粉絲注意，Chi Lam除了睇車及睇單張，又忙於與汽車經紀寒暄外，還要應邀與粉絲合照及簽名，可謂應接不暇，不過心情大好的他有求必應。未幾更見他試坐陳列品，並對車身設計及各種設施大感興趣，不時與身邊人交流意見。
買包醫肚
車行職員其後安排座駕停泊門外，等候Chi Lam試車，但由於附近交通繁忙，驚動警員到場了解，擾攘一番才離開。Chi Lam坐上愛車「一試身手」，約十餘分鐘後一臉滿意，折返車行內掏出黑卡付款，簽下一紙買賣合約正式買入「新玩具」。完成交易程序後，他便走入隔兩條街的麵包舖，買了一個叉燒包「乾吞」，與剛放學的學生及主婦們爭買平價麵包醫肚！
開工座駕
記者事後聯絡Chi Lam，他大方回應：「嚟緊要開電影同電視劇，每日開工揸長途車梗係諗辦法慳油啦，呢架車聽講話好慳o架，我咁支持環保，要身體力行，況且車行畀咗個筍折我。（唔送架畀老婆？）我揀咗白色，大家可以兩份揸嘅。」
文：影視組