梁漢文：大家都多咗機會
跟無綫簽有歌星合約的唱片公司，包括英皇旗下的容祖兒、Twins、古巨基、陳偉霆、林欣彤、洪卓立等，還有星娛樂的HotCha、關心妍、鄭融、張智霖及金牌的梁漢文等。就無綫放寬歌手合約，改簽新協議一事，英皇行政總裁吳雨表示：「我冇收過無綫任何通知，不作評論。」樂壇天后祖兒則說：「合約嘅事，我交由公司處理。」
梁漢文乍聞無綫可能轉變歌手合約政策，他說：「如果係真，大家都多啲機會，自己亦有多啲平台可以用廣東話去表達想講嘅嘢。」HotCha聞說無綫與歌手有新協議，兩女說：「一向同無綫合作好好，有咩新條款都唔會影響同無綫嘅合作關係，（唔怕削減咗喺無綫嘅亮相機會？）唔怕，相信人人平等，百花齊放都係一件好事，但合約嘅事都係交畀公司安排。」
