另類螢人
彩虹能令人感到開心、愉快，正因為它擁有不同鮮艷的色彩。顏色可以影響一個人的心境，有時穿着Colourful的衣服，會叫人青春年輕幾歲。如果有些人認為「又唔係十八廿二」，現在就要糾正這個觀念，反而愈有女人味的女性，愈能推翻傳統。春夏已來臨，快把深色的衣服收起，迎接新的氣「色」吧！著名時裝作家及博客的Janice檢閱眾星Styling，大讚美國歌手Katy Perry顏色Matching最美，而謝婷婷的Tan膚色襯螢光效果十分不錯。
謝婷婷
「雖然條裙好Simple，但勝在Cutting特別，凸顯佢身形，加上佢膚色Tan，效果好好。」
Katy Perry
「着得最好嘅一個！好少人會以螢光粉紅撞藍綠色，好靚嘅Matching，加上頭髮染埋藍色，好搶眼！兩種鮮艷嘅顏色已經唔需要配襯任何首飾。」
鄭希怡
「佢唔應該着絲襪，Too Much，對鞋亦唔夠Smart，着番女神Feel嘅鞋會襯啲。應該加番幾隻彩色嘅手鈪會有時尚感。」
Angelababy
「不過不失，橙色裙加修腰嘅Cutting好悅目，着條女人味嘅裙再配水晶首飾，係闊太嘅造型。」
徐濠縈
「能夠將女性化嘅裙着得咁型格，以黑色手套、黑色頸鏈同半透絲襪配合，唔會Over，幾好睇。」
周汶錡
「紅加白嘅裙再襯黃色高踭鞋，好鮮艷，仲加多種顏色組合嘅手袋，唔錯嘅造型。」
馬賽
「黑色絲襪已經過時，同埋條Belt做唔到修腰嘅效果，呢個長度嘅裙應該襯貼身褲。」
舒淇
「鮮紅色嘅裙雖然靚但太長，設計亦一般。着起上嚟好累贅，如果短番少少會好睇好多。」
Janice Wong Profile
王麗儀（Janice Wong），一位時裝作家及博客（blogger），是16年前首位華語媒體中的時裝編輯，遠赴歐美報道時裝周。她經常為香港及海外的時裝設計比賽擔任評判；另外，美國CNN旗下亞洲生活時尚網站讚譽她為「香港首位真正的時裝權威」，香港Yahoo更稱譽她為「時裝文化人」。最新暢銷著作《我的時尚騷靈》。