陳靜帶病33D撼魔女
有「百果園咪神」之稱的陳靜（DaDa），有幸首次獲日本TGC時裝騷邀請擔任嘉賓模特兒，昨晨抱病出發飛日本的她，落機後感到頭暈作嘔，原本要到會場綵排，終因體力不繼要返酒店休息，養足精神以最佳狀態為今天舉行的時裝界盛事作準備。
【潘琳東京直擊】一年兩度的日本時裝界盛事「Tokyo Girls Collection」（TGC）今日舉行，擁有33D逼爆上圍的DaDa去年為東京TGA時裝表演行騷後，今年獲TGC邀任嘉賓模特兒，成為香港模界唯一代表，與佐佐木希、香里奈等日本人氣女模大鬥性感。
見暈作嘔先啪藥
昨晨7時半，戴黑超、運動服打扮的DaDa先往機場櫃位辦理登機手續，之後與助手入閘。下午時分飛抵本日，落機後的DaDa戴上口罩、一臉病容，她收起咪咪包到冚親自拖住行李步出，兩人先往便利店購買飲品，原來DaDa突然感到身體不適，即走到附近的椅子坐低，連開支水都冇力的她要由助手從旁照顧食藥，之後DaDa攤在椅子上閉目休息。
取消到會場綵排
攤抖了一會DaDa才抖擻精神離開機場，問到是否身體不適？DaDa說：「之前發燒咗三日，我好驚自己飛唔到，因為所有機票同酒店都安排好晒，如果TGC失場就大件事喇，怕影響聲譽。休息咗兩日依家冇咁辛苦，不過今次帶咗好多藥嚟。」原本即日要到會場綵緋，DaDa因仍見暈又想嘔，最後都是即刻回酒店休息。
對於近日有道報指DaDa是次行TGC要貼錢行騷？她否認說：「唔知點解會有啲咁嘅報道，我唔嬲，每次行騷都係有單有據，自己知道自己搵幾多錢，雖然今次唔係天文數字，但都係有錢賺，唔係貼錢。」