徐濠縈生日冇得慶祝囡囡詐型
【劉慰思巴黎直擊】殺入時裝界做女強人的徐濠縈，與生意夥伴Dorothy一同出席巴黎時裝周，阿徐表示剛到巴黎已立刻投入工作，除睇騷外，還會物色品牌，因將在今年開第三間分店，故順道入多些新牌子。
阿徐透露今次會逗留十天，是首次離開女兒陳康堤（包包）咁長時間，故感到好失落。那會否買禮物補償囡囡？「佢話乜都唔要，淨係要媽咪。包包好黐我，佢打電話畀我時，好彩冇扭計，Eason依家陪住佢。」阿徐又謂三月七日是她的正日生日，囡囡經已詐型不能與她慶祝，問到Eason或會學上年咁飛去巴黎給她驚喜？阿徐說：「唔會啦！（可能帶埋個女呢？）佢知道個女係我no.1，我最想見個女，不過佢要讀書，如果讀幼稚園就冇所謂。」