Jessica C.獲撤控：還我清白

「警鐘胸」Jessica C.（JC）去年十月因涉嫌盜竊櫃員機六百元，而被警方召喚到警署接受調查隨即被拘捕，此事曾弄得滿城風雨，事隔四個多月，案情終於有最新發展，昨日警方發言人證實已撤銷JC控罪，無條件釋放。

證據不足

記者致電JC的經理人，她坦言JC一直非常配合警方的調查，而警方亦全力跟進她所提供的資料，最後作出此決定。問到是否證據不足？她回應：「都可以咁講，警方律師嘅意見都話證據唔足以檢控JC。依家成件事正式告一段落，JC知道之後都好開心。」

而得知逃過一劫的JC，如釋重負，並高興地表示：「好歡迎警方有呢個決定，真係好開心！之前有受呢件事困擾，依家正式結束，可以全心投入工作。我好多謝喺呢段期間，成日慰問我、對我不離不棄嘅客戶。同埋好多謝律師嘅幫助，呢個結果還咗我一個清白！」

強勢回歸

另外，早前銳意攻入美國市場的她，透露打算強勢回歸，全面留港發展：「去咗美國一年，知道嗰邊嘅運作模式，連嗰邊嘅經理人都話我喺香港市場好有潛力，叫我唔好放棄，所以我會放啲時間喺呢邊。」而JC昨晚即時在微博感謝大家支持，並高呼：「我愛香港。」文：名人組