阿嬌睇中醫排毒 血崩着尿片
鍾欣桐（阿嬌）、周麗淇（Niki）、陳法拉、陳敏之、古巨基和黃偉文（Wyman）昨日出席活動，阿嬌指好姊妹蔡卓妍（阿Sa）腸胃唔舒服要攬住個廁所未能出現，而Twins今日將起程到北京宣傳新碟，阿嬌表示阿Sa休息一天應該會去到。
阿嬌經阿Sa介紹亦看同一名中醫，對方指她比阿Sa更差，肝的排毒功能很弱，更問她：「妳月經係咪嚟得好少，妳遲啲就會愈嚟愈多，到時血崩連尿片都唔夠用。」阿嬌說問中醫像坐月？他答類似，再問會有癌？中醫又答類似。因此，為身體着想，她會聽從中醫吩咐戒食生冷食物和盡量早睡。
法拉出席諸葛婚宴
同場的Niki以鮮紅色裙出現，即被追問過氣緋聞男友鄭嘉穎與內地女星穎兒撐枱腳一事？Niki表示：「冇睇報道，不嬲唔關心人哋嘅新聞。（傳嘉穎有新戀情？）叫佢快啲結婚，係時候啦。」兩人可有聯絡？Niki反問說：「你話呢？（再見不是朋友？定根本冇再見過？）咁做嘢都撞一次！」Niki承認無綫曾搵過兩人合作，她會以劇本及檔期決定合作與否。
另外，陳法拉被問到會否買結婚賀禮送給諸葛紫岐？法拉即說：「呢啲唔講啦。」出席本月二十日婚宴？她淡然說：「唔…我會去嘅。」
文：音樂組