朱紫嬈叫男友醒定
歌手朱紫嬈（Khloe）早前被本報踢爆與經理人Kenneth撻着，日前她出席活動時，未見Kenneth只得女助手相陪，問到男友是否怕被記者影而避席？Khloe說：「唔係，佢自己有份正職要做。（唔怕佢分心幫唔到你？）唔會。」
問到會否與男友閃婚？Khloe說：「冇咁嘅打算，係都冇咁快啦！如果真係求婚會叫佢遲啲再求。」她坦言男友身份被揭後反而鬆一口氣：「大家可以跟蹤佢有冇做衰嘢。（你check得佢好緊？）大家透明度好高，反而佢成日打嚟問我做乜。」由於她是鐘錶太子女，男友可養得起她？Khloe說：「我哋係好簡單嘅情侶，食飯埋單梗係男人做啦！」另外，Khloe在早前舉行的雪碧榜頒獎禮中奪得「港台區飛躍表現」獎。