近年積極北上發展的鄧麗欣（Stephy），感激一班陪着她成長的粉絲，親耳聽到粉絲給她讀出情信，不禁感動得眼紅紅；講到與方力申的戀情，Stephy即笑言她的粉絲早已心照，可見關係呼之欲出。
剛被網民踢爆在倫敦為男友方力申展開生日之旅的Stephy，起行前特別抽空出席歌迷聚會，親民的她跟粉絲打成一片，她說：「呢班歌迷自我出道一直陪住我，好開心有佢哋對我支持！」她笑言當晚聽到歌迷講得最多一句說話是「你要多啲留喺香港」。
席間Stephy抽出幾位歌迷，由他們親口讀出寫給她的情信，有些內容氹到Stephy笑到踎地，當聽到歌迷對她的思念及鼓勵，Stephy即感動得眼紅紅，她說：「以前聽到佢哋講啲感動嘢我就會喊，今次算叻女冇喊！」她答應歌迷今年會多些返港發展，也會積極重投歌唱事業，希望年底推出廣東新碟：「我同佢哋保證，香港係我家，絕對唔會放棄香港巿場。」
Stephy與小方的戀情已告白熱化，會上可有被粉絲追問戀情？她笑說：「冇喎，我同佢哋好多嘢心照，（咁你感情生活如何？）OK啦！」她不希望刻意談論感情事，只說：「大家見到就見到，覺得係就係囉！」愛情事業兩得意的Stephy去年一口氣接拍了一部內地劇及三部電影，可謂豬籠入水，之後又四出睇樓盤，她坦言有買樓投資的想法，但要看準時機。
文：音樂組