周柏豪因病缺賽 與代言無關
周柏豪、薛凱琪（Fiona）及洪卓立昨日出席《饑饉三十2012》活動，一臉病容的柏豪透露因哮喘病發才缺席前晚籃球比賽，只是作座上客觀賽，完全不關運動用品代言人事，與波友余文樂口供不夾，他說：「都希望打多啲波醫番好個病。」
曾是饑饉之星的Fiona透露當年到斯里蘭卡探訪，入住的酒店有老鼠，她說：「冇床單同被，張床好簡陋，沖涼只得凍水，沖沖吓又會冇電，同房嘅同事仲話見到老鼠，知我驚所以冇話我知。」她強調不是呻苦：「有時做嘢幾唔如意，諗番起當地環境，覺得自己可以做香港人已經好好。」洪卓立被問到女友湯怡指他身體弱，他抵死說：「佢冇深入檢驗過點知呀？（想唔想佢燉補品畀你飲？）試吓。」