青頭梁漢文搞鹹Gag
梁漢文（Edmond）昨日以嘉賓身份出席adidas足球活動，滿頭綠髮的Edmond笑言扮青頭仔：「想搵番『青頭仔』（即處男）感覺。」引來全場捧腹大笑，已婚的Emdond其後解釋：「因為做巡迴演唱會，依家不停咁試顏色。」
此外，Edmond早前曾透露與所屬的金牌大風轉換合作方式，問到有否新進展時，他說：「續約時講過會出國語碟，不過暫時又冇呢個計劃，因為當年同我傾嗰個同事已經走咗，我可以怪邊個呢？依家有內地公司有興趣幫我出。（兩間公司合作？）未正式傾，只可以等，喺呢間公司只有等。」Edmond隨即搞Gag說：「等到我頭都青埋！（等到完約？）合約總有一日完，但係咪等得有意義呢？起碼畀個方向我囉。」