鄧穎芝擺年宵日賺萬幾
歌手鄧穎芝（Vangie）早前與多位好友夾錢擺年宵，經過六晚在攤檔大叫拉客搞到失聲，但她毫無怨言，反而開心報喜說：「總收入有成十四萬幾，扣晒所有嘢，每日都有萬幾蚊賺，今次除咗賺到錢，仲賺埋經驗。（好賺過唱騷？）都係o架，超出晒最低工資。」Vangie坦言增加做老闆信心，有意明年添食，她說：「睇吓搵唔搵到朋友一齊夾錢，獨力一個唔得o架，好多嘢處理。」
Vangie自爆最後剩下小量貨，她說：「將剩番嘅貨同第二啲檔位嘅人交換，好開心，好似交換禮物咁。」去年成功在尖沙咀開食店的Vangie表示仍未回本，但有信心短期內有錢賺，更想過在香港區開分店，她說：「依家啲租好貴，等租金下調先再諗。」