「翻版關之琳」Jocelyn與丈夫Anthony昨日一同出席慈善活動，由於二人在尼泊爾興建了一所學校，Jocelyn表示每年十月都會回去一次，當是自己的生日禮物。
現場所見，Anthony臉上有一道疤痕，他透露是7歲玩鞦韆時與小朋友打架造成的，至於會否與Jocelyn打架？Jocelyn即搶着回答：「遇到意見不合時，我哋會一齊討論，唔啱傾到啱。（咁生B問題傾好未？）我話生3個，佢話2個，最後決定兩個半，因為其中一個係助養，但我哋未plan，要plan咗儲錢買樓先，因為想將最好嘅畀BB。」
