鄭詩韻練歌 老公嫌煩

名媛鄭詩韻前晚公開大展歌喉，為Hong Kong Philharmonic & Friends籌款音樂會獻唱，她說：「我唱《唯獨你是不可取替》，另類啲，其他人都係唱英文歌同Opera。我要付出好大努力，之前特登搵老師上堂，自己又有啲壞習慣，例如成日都大聲鬧人，同埋飲咖啡。老公有叫我同佢一齊踩單車練氣，而佢係最大得益者，因為我唔可以大聲鬧佢，佢都有嫌我煩，我成日唱，連沖涼同喺張床度都唱，發開口夢都唱。」
鄭詩韻（左起）、雷禮權與音樂籌委會主席劉懿翎、大會主持郭志怡合照。
鄭詩韻（左起）、雷禮權與音樂籌委會主席劉懿翎、大會主持郭志怡合照。

另外，同場的九巴後人雷禮權則表演三首歌，他的外母利孝和夫人、太太利蘊珍和囝囝都有到場支持他。而顧紀筠就來捧有份表演的老公和囝囝場，談到兩人的歌喉，她說：「各有各好，風格唔同。」

顧紀筠（左）與陳寶珠結伴而來。
  • 顧紀筠（左）與陳寶珠結伴而來。
利蘊珍與母親及兒子前來捧老公場。
  • 利蘊珍與母親及兒子前來捧老公場。