何傲兒大海撈參啪落口
何傲兒（Lily）之前為無綫拍攝旅遊特輯，赴日逗留半個月之久，所到之處包括青森、京都、秋田等十多個地方，有些地方大風大雪，Lily抵受不住風寒發燒，要在當地睇醫生：「睇完醫生真係冇事，不過醫生費八百幾蚊真係好貴，好在有買保險！」
期間Lily於京都附近跟當地漁民出海撈海參取景，她說：「撈上嚟嘅唔只海參，仲有海馬、海星、八爪魚，啲海馬好得意，只有一隻手指咁大，我仲係第一次食海參刺身。（乜嘢味道？）好大陣海水味，超鹹，食落去好煙韌，日本人連海參卵巢都照食。」
此外同行的中華小姐張慧雯之前被指識富豪，Lily有否留意對方出入有名車接送？她說：「咁又冇，我哋係工作上朋友，私底下嘅嘢唔清楚。」