亞視藝員戚黛黛最近忙為節目《微播天下》開工，她說：「節目講吓啲娛樂圈新聞，又講吓煮嘢食，自己都八卦鍾意睇娛樂雜誌，又鍾意研究吓食譜，所以都做得好投入。」早前黛黛專程向公司請假返加拿大，將外公骨灰運回港，她說：「外公其實過咗身十年，因為嗰邊已經冇晒親戚冇人拜祭，所以今次專程將外公骨灰接返香港。」
戚黛黛順道到當地賭場碰運氣，她說：「入場嗰陣畀職員懷疑我唔夠廿一歲，要檢查證件，我成三十歲人喇，真係畀佢激死！之後玩老虎機贏咗千幾二千蚊，但係一路玩一路覺得好頭暈，雖然贏錢，但係感覺怪怪哋都唔敢再玩落去。」