楊愛瑾積極備戰再闖樂壇
藝人楊愛瑾（Miki）有意今年再闖樂壇，而近月她積極練琴及學唱歌，準備在好友周柏豪的演唱會做嘉賓。期間Miki發現愛犬Toffee跟住她開聲嗚嗚叫，令「媽咪」Miki驚訝兼感動，難怪Miki大讚乖仔聰明。
餅碎楊愛瑾（Miki）不時帶「愛子」Toffee行街，亦會與牠同床瞓，由於Miki將於今年推出新歌，故近月不停在家練琴及練聲，Miki說：「有次邊彈琴邊唱歌，突然聽到嗚嗚聲，即刻轉身望吓隻狗，點知佢又冇出聲，之後再彈就發現係佢發出嘅聲音。（好有天分？）冇諗過佢咁聰明。」
訓練愛犬發聲
Miki坦言希望可以訓練到對方發出高低音，她說：「知道佢識嗚嗚聲已經好感動同滿足，依家佢只係識單音，希望有朝一日佢識發高低音啦。」Miki透露Toffee識做很多動作，惟獨不懂「請請」，她說：「佢好多動作都識，不過最麻煩係佢去到陌生地方就會好緊張同專注唔到，所以有啲難度。」
未有個人新歌
Miki亦透露處女下海將擔任好友周柏豪三月十七日在廣州演唱會嘉賓，她說：「第一次自己上台唱歌，同埋首次做柏豪嘉賓，都幾緊張，所以呢排一有時間就去學唱歌同練琴。」問到是否有個人新歌？Miki說：「未有，有可能會唱番Cookies年代嘅歌。」
採訪：音樂組