熊黛林委屈：唔想再講佢嘅嘢

日前公開冧爆表示情人節收到首飾的城嫂熊黛林（Lynn），未知是否不滿男友郭富城當眾否認送她首飾而心中酸溜溜。昨晚，Lynn出席活動時，被問到城城否認送她首飾一事，即一副劃清界線的姿態說：「我以後都唔想再回應佢嘅嘢，我要努力工作，多啲出嚟，等大家習慣唔問佢嘅嘢，講我嘅嘢。（你哋分手？）都無認過（一齊）點會分手。（佢唔畀你講？）唔係呢啲，但都唔想再講佢嘅嘢。」

祝對方成家立室

再問她是否因近日說多了所以有人不喜歡，Lynn不禁一臉委屈地說：「我唔知點講。（佢公司唔鍾意？小美唔鍾意？）我唔識佢，唔回應，唔知道佢諗法，我知佢係邊個，不過無見過佢。（你同城城有共識唔講大家嘅嘢？）朋友就係朋友，唔想再畀人誤會落去。（你同城城嘅關係？）朋友就係朋友，唔使諗太多，我想做番自己。（你依家嘅感情狀況？）未婚，我依家乜都無，想工作多啲。」她又謂怕被人寫太多擔心嫁不出。她亦希望城城可找到深愛的人早日成家立室，也不介意跟城城合作。

而同場的張震就透露早前與圈外女友拍拖到日本旅行，他已視女友為結婚對象。問到他的前緋聞女友舒淇跟王力宏近日的緋聞，張震直指緋聞很無聊，但也會祝福舒淇。

文：名人組