黎耀祥葉問上身 叫子丹讓位
黎耀祥日前以豐厚可觀酬勞、戴上假髮並穿上一身功夫「武裝」為百佳超級巿場拍攝新一輯電視廣告，今年是祥仔第三年擔任代言人，向來文質彬彬的他大玩「破格」，以「葉問」造型示人，除了上演經典一幕「一個打十個」的場口外，更勁力十足，一拳打穿牆。祥仔演得入型入格，於正宗詠春師傅過兩招後，打得有姿勢、有實際。
拍得過癮
事後祥仔說：「今次我會幫佢哋拍三條片，今次扮葉問，之後嗰兩個都好另類，自己都拍得好過癮。」祥仔坦言知道要拍動作場口，都一早拉定筋上陣，出來效果相當滿意，他笑謂：「初時佢哋仲諗要用快格拍，但最後都唔使，我呢啲文武全才o架嘛！以前中學都學過幾年空手道，我哋呢啲李小龍年代嘅梗係要學番兩招，依家拍打都輕易應付。」
發掘優點
說到無綫應開武打動作片給他時，他笑言：「真係好少，今次一展所長，發掘出我嘅優點，頭先真係有個師兄畀我撻到氣咳呀！第日甄子丹可以讓個位出嚟，去拍笑片，我就去打。」
文：影視組