爆E超蓮性感打碟跳舞娛賓

o靚模學打碟成風，當中「爆E超蓮」鍾采羲（Iris）獲亞視邀請，將於本周六擔任《ATV亞洲星光大道4跳舞吧！》冠軍爭霸戰嘉賓，首次於電視機前表演打碟功架。Iris坦言心情興奮，會準備性感服飾，為觀眾送上驚喜。她說：「呢排都好勤力練，仲學埋跳舞到時表演添！其實我咁大個女都未正式學過跳舞，希望到時唔好出錯啦。」首次入電視台表演，Iris表示最開心可與譚詠麟同台演出：「我媽咪好鍾意阿倫o架！睇吓到時可唔可以同佢影張合照，送畀媽咪等佢開心吓！」