志雲不捨離無綫 興奮迎新生
前無綫業務總經理陳志雲於本月底正式離職，昨晚無綫高層梁乃鵬、李寶安、曾勵珍、曾醒明及樂易玲等，於尖東一間酒店筵開五席歡送志雲。
梁乃鵬坦言不捨對方：「佢係得力助手，離開係無綫損失，我哋尊重佢嘅決定。志雲有講未來兩年唔會接受其他媒體嘅工作，我都尊重佢承諾，暫時仲未搵到補替人選。」
笑容滿面到場的志雲說：「三十年工作生涯中，要離開服務十八年嘅無綫當然不捨，但我以興奮心情迎接新生活，有啲矛盾，但唔傷感。（其他電視台挖角？）十八年來承蒙錯愛都有人搵過。（轉行？）未諗，做完林以諾牧師嘅棟篤笑騷，去多次歐美遊學，返嚟再算。」
