古巨基認少聯絡 合作睇timing
古巨基跟著名填詞人黃偉文（Wyman）相交十數載，可是Wyman早前邀約四十位歌手任其紅館作品展嘉賓，卻漏了基仔份兒，令人懷疑兩人關係有變，基仔直認近年少跟Wyman聯絡，但友情不變，正期待再跟Wyman合作。
基仔前晚身兼三職，分別以杯麵代言人、導演及攝影師，冒雨在露天廣場拍攝廣告。基仔和Wyman於96、97年曾「基文合璧」炮製出《歡樂今宵》及《第二最愛》等經典金曲，可是有傳近年基仔愛用林夕的作品，從而減少了跟Wyman合作，令友情生變，故Wyman早前的紅館作品展上，沒請基仔演出，對此基仔坦言：「我的確冇獲邀請，但都戥佢開心，早年我好多經典歌都係佢填詞。（連傳不和嘅楊千嬅都破冰演出喎！）咁咪有suprise囉。（失望？）係佢個show rundown嘅想法啫。」不過基仔否認和Wyman友情不再，只是早幾年忙拍戲才少機會聯絡，他正期待再結緣。
八百萬名車拍廣告
早前陳奕迅（Eason）一句「你們覺得古巨基是我的強敵？」，令雙方歌迷掀罵戰？基仔兩度避談：「上個世紀嘅事，唔回應啦。」他自言只會做好自己，問他可覺得Eason是強敵？他得體說：「各有所長，我長處係巨肌囉。」
另外，基仔已是第二年擔任杯麵代言人，由於是首次為廣告執導，故不惜豁出去，將自己的製作費投資在廣告上，更問友人借出達八百萬的名車作拍攝之用，有謂他身家豐厚，不用借車可自己買，他哈哈說：「咁貴，我唔捨得買囉。」
採訪：音樂組