阿倫批唐唐智弱

志偉昨日出席公開活動時，談到特首候選人唐英年近日的負面新聞，他指唐生是一個好人，但到了這個地步，香港更需要一個叻人，他說：「社會上有太多聲音嘞，如果佢唔選會係上籤，如果選但又選唔到會係中籤，如果佢選到會係下籤。如果選到佢未來幾年會好辛苦，好多市民上街抗議，對香港唔係一件好事。」對於有人着他親自參選，他說：「我當然唔得！（邊個得？）未深刻了解過各人政綱，要知邊個對香港最好。依家可能有其他候選人。」

負面新聞好精彩

另外，被指「挺唐」兼已報名選委會的阿倫，前晚為新歌《一點光》在尖沙咀宣傳，他透露剛從英國回港，覺得近日新聞「很精彩」，他說：「七國咁亂，好似打仗！心目中人選仲未出現，未決定投邊個，心目中人選要有智、仁、勇，大前提要對香港好，要有承擔和機智。（佢冇膊頭？）出面啲人咁講，畀啲空間候選人。（投白票？）唔會，離投票日子仲有一段時間，睇吓邊個好。最緊要有正能量的光，目前好難搵到呢個人。」至於會否對唐英年「扣分」，他說：「佢『智』方面弱咗啲，爭少少，未夠機智。（你參選特首？）唔好搞我，要選都叫曾志偉去！」對於有指演藝界全力投唐英年，他說：「我唔理人，目前條路好長，加、減要慢慢的秤。」

文：影視組