老婆唔想生叫陸永結紮

組合農夫昨日到電台接受訪問,初為人父的陸永,展示只有兩星期大的愛女陸一穎的靚相,B女樣子似媽咪,陸永大嘆個幾鐘就起一次床,完全冇得瞓:「老婆都好辛苦,佢話唔再生,叫我結紮,否則佢就去穿環(子宮環)。(會聽老婆話?)咪少做囉,依家都冇精力搞呢啲。」C君抵死的說:「出去囉,唔使喺屋企。」

陸永坦言老婆有少少產後情緒起伏,會愛錫她多些,所以盡量將工作交給C君,問C君會否做BB契爺?他說:「唔會,因為契爺要運勢好勁,我唔得。」