楊怡：狼虎之年係真嘅

楊怡、陳法拉、陳豪、麥長青（麥包）、林子祥等前晚出席日本城春茗活動，眾人除了唱歌、玩遊戲外，更大玩親民，下台與觀眾握手，當中以林子祥最受歡迎，台下觀眾圍擁身邊玩自拍；陳豪亦被眾多女粉絲圍拍，他更識做地跟出席春茗的員工握手，氣氛熱鬧。

大家無所不談

最近新聞多多的楊怡，先有再整容之嫌，跟着又有報道指其緋聞男友羅仲謙於友人面前數她正值「狼虎之年」。楊怡前晚表示對於報道沒有嬲怒，更笑言：「咪當宣傳囉！因為人紅嘛！唔需要澄清，係咪真o架？我問番羅仲謙先，不過我唔信佢會咁講，首先狼虎之年係真嘅，我要狼啲努力搵錢嘛。（講性方面需求喎？）我真係唔信佢會咁講，有邊個咁了解我哋呀！」

羅仲謙	陳豪識做地與嘉賓握手。

談到二人的「最新發展」，她表示二人仍是好朋友，大家亦無所不談；說到羅仲謙力撐她沒有整容，楊怡說：「好多人撐我，唔只佢一個，我睇報道佢話撐我撐到腰痠背痛，我送支跌打酒畀佢囉！（佢撐你係咪特別冧？）係男仔撐我都冧！」

法拉以透視裝示人，期間更與麥包與觀眾互動，大玩有獎遊戲。	放大圖片	林子祥對合照有求必應，並與葉麗儀在台上大搞氣氛。

法拉小賣性感

至於法拉與麥包期間落台與觀眾互動，問她是否特地穿得密實一點？她謂：「少少sexy o架！都see through，（怕唔怕鹹豬手？）唔怕，最緊要氣氛好。」麥包則透露剛與曾志偉到日本推廣，日食夜食，由新年至今肥了廿多磅，幸而於日本時志偉給了他兩包排脂丸，麥包謂：「要積極減肥嘞！喺日本同洪天明、錢嘉樂佢哋又食蟹宴，又晚晚出去食拉麵，日日都飽到好犀利。」

文：影視組