陳慧琳興奮接喜訊
懷胎6個多月、同是環球歌手的陳慧琳得悉憶蓮將會加盟，表現雀躍，她說：「好開心！簡直係喜訊，一直都鍾意聽佢嘅歌，曾經喺自己演唱會上，唱過佢首《至少還有你》，希望日後有機會合作。」而陳奕迅坦言歡迎對方加盟，他說：「恭喜佢，希望可以喺音樂上有合作。」
至於身為憶蓮「Super Fans」的吳雨霏（Kary）說：「冇諗過可以同偶像同一公司！之前都有聽聞佢簽環球，依家落實咗超開心！以後唔使再有爭一姐嘅是非，憶蓮咁有分量同經驗，我根本就冇得高攀佢。」Kary透露每次見憶蓮都會腳震，故會主動向公司自薦邀對方合唱。