蔡加讚唔講僭建 拍拖撐媽咪
玩具大王蔡志明孻仔蔡加讚和女友汪圓圓愛得甜蜜，他更經常攜同圓圓出席家庭活動，將女友融入家庭生活中，前晚他們又拍拖出席活動撐蔡太場。雖然加讚表示暫未有計劃結婚，但強調對圓圓感情認真，向女友大派定心丸。
蔡加讚與女友汪圓圓前晚拍拖出席保良局李雲迪學童慈善交流演奏會，同行的還有圓圓的父母；另外，加讚的母親蔡李惠莉、家姐蔡加敏與丈夫馬鴻銘及囡囡亦有出席。加讚甫到場即表示：「我遲到喇，殺死我。」而他身旁的圓圓就一臉甜笑。圓圓說：「自己都有彈鋼琴，所以想嚟聽下，同埋嚟支持下Auntie（蔡太是當晚活動搞手之一）。」問到兩家人是否很friend，她說：「我爹哋媽咪都好active，大家搞活動會互相支持，相處得幾好。」
加敏讚囡囡活潑
至於兩人父母可有催婚，加讚說：「冇。（今年係好年。）唔知點答喎，女朋友喺隔籬，不過呢啲爹哋媽咪都由我自己諗，結婚講感覺，我哋拍拖係認真一齊，暫時未諗結婚住，專注工作先。」而圓圓亦表示順其自然。加讚又謂最初見未來外父外母時也有緊張和不太自然，不過兩人都很nice，跟他頗談得來。提到有關唐英年僭建一事，問圓圓可會覺得唐太很偉大，加讚即說：「呢啲話題唔好講。」圓圓則說：「佢哋做咗咁耐夫妻一定好愛對方。」而同場的蔡加敏就大讚囡囡：「佢好活潑，坐唔定，老師彈琴佢就會跳舞，好有節奏感。」
此外，保良局董事局主席龐盧淑燕則透露，能夠邀得李雲迪出席，全賴兒子龐維仁幫忙，她又代兒子澄清只是不做金牌大風的CEO，但仍會負責其他事務，又指兒子很忙，經常要飛北京及法國公幹。
文：外娛組