特首參選人唐英年鬧出僭建風波，連日來被網民改圖惡搞，唱作組合糖兄妹前年的《我最愛糖兄妹》專輯封套，亦被惡搞成「我最愛唐夫婦」，糖兄變唐英年，糖妹變唐妻。糖妹在電話中笑說：「好抵死！key到好似露芙（新城DJ），但key得幾靚，我係『萬能key』，呢個惡搞都OK。」談及唐英年僭建風波，糖妹說：「應該奉公守法，唔好講一套做一套，咁樣做唔好。希望唐太唔好喊，佢係一個好女人，冇辦法唔撐老公，佢都好麻木，呢啲係愛嘅表現，希望自己將來嫁一個有腰骨同膊頭嘅好老公。」
「寸嘴o靚模」何佩瑜（Jeana）主演的《喜愛夜蒲》亦被惡搞成「喜愛地爐（牢）」，Jeana寸爆說：「聽聞《喜》片會開拍第二集，搵景點簡單得多，地牢係唔錯嘅選擇，唐生地牢有酒窖，直接喺地牢夜蒲，唔使咁辛苦。」
袁詠儀（靚靚）昨日出席活動時替唐太可憐，大讚唐太好勁同偉大：「我老公（張智霖）知我委屈嘅話會安慰我。（叫佢選特首？）唔得，我老公喪嘅。（僭建風波熱話？）我屋企冇僭建，依家係事發後危機意識同處理手法令人唔舒服，希望政府立例清楚。」而劉子千的《唸你》，歌詞亦被網友改成「我的圖則裏沒有僭建」，抵死啜核！