Vilian撻着JM舊愛 風騷晒命
黎明愛將文詠珊（JM）與前有錢男友李冠峰去年難敵七年之癢分手收場，舊愛甩拖後不愁寂寞，日前更被揭搭上冬甩o靚模劉瑋欣（Vilian），女方承認二人已拍拖個多月，並寸爆祝賀甩拖的JM今日過個甜蜜情人節！
文詠珊（JM）去年宣布與拍拖七年的富貴男友李冠峰分手後，感情至今未有着落，反而舊愛的戀情就浪接浪，繼去年尾被拍得拖新女於旺角拍拖遊街，近日更被揭戀上24歲冬甩o靚模Vilian，他倆被拍到煙韌行街食飯，Vilian正印女友之位可謂穩如泰山，她接受本報訪問時，直認跟李冠峰已行埋個多月，問到是否「小三」介入李冠峰與JM戀情，她說：「唔係，我識佢嘅時候佢已經係單身，已經同JM分咗手！」
身邊多女唔出奇
其實，Vilian前男友、有「波鞋王子」之稱的彭俊峰同樣來頭不小，保守估計他的身家高達三億元！今次Vilian搭上家底豐厚的李冠峰，男友不時吸引狂蜂浪蝶，對於男友之前曾被拍到拖女遊街，她表現淡定：「佢身邊多女性朋友有乜咁出奇？同埋嗰啲都係以前嘅事。」適逢今日是情人節，她已諗定跟男友甜蜜撐枱腳，並以「勝利者」姿態寸爆祝賀男友舊愛JM同樣過得開心甜蜜，表現風騷！
文：專案組