鋒芝一街之隔 搬做鄰居

謝霆鋒與張栢芝離婚約半年，早前二人被本報獨家踢爆與風水師Mike會面，復合在望，就連霆鋒亦自爆兒子Lucas開口叫兩人復合，連月來二人關係亦極為融洽，不時一家四口家庭樂。適逢情人佳節，鋒芝關係亦更進一步愈住愈近，早前栢芝便秘密與兩名兒子Lucas及Quintus，由陽明山莊搬往霆鋒一直租住位於金鐘「栢舍」寓所對面的服務式寓所「奕居」，二人居所僅是一街之隔，租金亦是由霆鋒負責，近日便有不少住客目睹霆鋒經常出入栢芝寓所，甚至清晨才見他離開。

認在栢芝家過夜

據悉鋒芝對於復合雖然不置可否，但雙方近日亦進一步為對方改變，現正放假兩個月的霆鋒還戒絕多年打機的嗜好，轉為煮飯佬。至於栢芝亦表現低調封口避談復合之餘，專心湊仔的她還一改大使作風，被拍到於內地揀選減價貨。栢芝甚至投其所好，向近期愛上煮食的霆鋒討教煮西餐的心得外，知道男方放長假她亦暫時停工，好讓霆鋒探望一對兒子時，可爭取時間一家團聚。

揀白酒 愛上煮幾味的霆鋒到超市掃食材，準備回家大顯廚藝。

霆鋒滿載而歸，推車離去。

而前日下午約二時，戴上鴨舌帽及黑超的霆鋒離開寓所往超市掃貨，推着購物車於超市穿梭的他，被追問栢芝與兩名兒子愈住愈近搬了往對面，他說：「係呀，（陽明山莊係咪租約滿？）未呀。（對面都要你交租？）少少啦，其實住幾日啫，因為嗰邊要整水喉。（有人見你清晨先離開栢芝寓所，係咪喺嗰度過夜？）早排Lucas病咗，所以有時會留喺度睇佢夜啲。」提到栢芝係咪會搬往世紀大廈，他說：「佢哋有佢哋計劃等佢自己講啦。」

栢芝搬往奕居與霆鋒現居的栢舍近在咫尺，看來兩人復合又進一大步。	放大圖片	霆鋒父愛大發逗玩劉曉彤的小朋友。

買菜煲湯氹囝囝

霆鋒其後於超市揀了不少酒類、蔬果等餸菜，問他打算煮甚麼予兒子品嘗時，霆鋒即慈父上身說：「未知煮咩，但買定材料先，買咗啲波菜，諗住攪碎嚟煲湯畀兩個仔飲，因為Lucas唔食芝士味嘅嘢，又唔多飲牛奶，所以整畀佢食要花心思，Lucas都好食得㗎，Quintus就冇咁揀飲擇食。」期間霆鋒巧遇藝人劉曉彤與她的小朋友，霆鋒興奮逗玩小朋友後才往付款，之後推着大車戰利品返寓所。

文：攝：追蹤組