舒淇爭影后 唔認係冷門

舒淇昨晚收起性感，以密實紅色連身長裙，與導演鈕承澤及台灣演員趙又廷，亮相新片《愛Love》香港首映禮，舒淇過氣緋聞男友馮德倫與吳彥祖畀面撐場，她更不避嫌與馮德倫在台上有講有笑。

舒淇乍聞記者恭喜她有拖拍，即說：「多謝你哋恭喜我入圍金像獎。（恭喜你同王力宏拍拖呀！）幾時有呀？唔好用呢啲嚟宣傳，單新聞都成個禮拜前啦！我哋係朋友，十年前被人講到依家，（由朋友轉做情侶？）有轉機晨早轉咗啦！你哋可以留意我微博，就知我情人節將會同鈕承澤、趙又廷同彭于晏過。（又話休息？）我話半年唔拍戲，都要宣傳o架，聽日去北京、上海、廣州宣傳。」

唔鍾意愛得複雜

舒淇被追問是否渴望拍拖，她即表示：「OK啦，冇話渴唔渴望，我同男人拍咁多愛情戲，乜都拍過，唔會似冇拍過拖咁恨拍拖，呢套戲我咀趙又廷，又同阮經天純情戀愛，更被鈕承澤包養，係玩盡人生。（你鍾意邊個？）個個都有唔同嘅美，我唔鍾意愛得太複雜，轟轟烈烈、刻骨銘心嘅愛，我都試過，還是覺得簡單最好，平凡是美。」

睇好青雲當影帝

對於入圍香港電影金像獎「最佳女主角」，舒淇說：「好開心，入圍當得獎。（驚繼金馬獎後再輸畀葉德嫻？）我諗賽果都係差唔多，得香港電影人認同，獲提名算係咁。其實個個都做得好，係對手。（出席頒獎禮？）唔好講到我冇獎唔到喎！（你會爆冷？）吓，爆冷？你咁講（爆冷）咁我咪好慘。影帝我睇好青雲，睇咗《奪命金》，佢做得好好。」

文：影視組