馬浚偉離無綫成搶手貨
無綫小生馬浚偉昨日親證與TVB提前解約，結束18年賓主關係，但有傳TVB出「撒手鐧」以他的恩師兼高層曾勵珍出面斟簽「特別合約」，而另一邊，王維基則以天價利誘，剛過檔NOW的金牌監製梅小青和內地幾間有實力的製作公司亦紛紛向他招手，馬浚偉坦言「心大心細」未揀定。
馬浚偉與無綫拉鋸多時的合約問題終於解決，昨日身在內地橫店開工的他接受本報獨家訪問時，承認下月回復自由身，並表示非常感激「娘家」多年照顧，他說：「上個月同公司傾好，合約至本月底，事情總算順利，我好感恩。依家放低咗一件心事，接下來就考慮前途。」
王維基天價利誘
曾拍過多部高收視劇集馬浚偉，有傳無綫肥水不流別人田，特派高層兼其恩師曾勵珍大打「人情牌」，游說他簽特別合約變相繼續効力。同時亦傳出「城電」主席王維基向他開出天價利誘加盟拍50集長劇，至於NOW亦出動前無綫監製梅小青和內地不少有實力的製作單位紛紛欲羅致旗下。
重視劇本多過錢
對於成為各大媒體招攬大紅人，馬浚偉不諱言：「我係有同王維基傾過，而珍姐（曾勵珍）係我恩師，佢嘅說話我在心中，至於其他公司都有接觸過，我仲係心大心細，到呢一刻都未有決定。」他承認當中除了拍劇還連同經理人合約，他說：「劇本最重要，錢係其次，至於經理人合約要慎重考慮，總之我好感激所有搵過我嘅人，多謝佢哋賞識。」
文：專案組