梁漢文同孖女時鐘酒店爆房
梁漢文（Edmond）為新歌《大男人情歌》昨日在九龍塘時鐘酒店「爆房」，邀請之前為他個唱做表演嘉賓的廣州孖妹組合AOA（成員大Ann及細Ann）任MV女主角。Edmond多次強調是首次踏足時鐘酒店，因想拍攝如電影《2046》的味道，導演和他都即時想到在時鐘酒店取景。
現場Edmond和孖妹在床上拍照時卻表現避忌，不肯左擁右抱孖妹，反要孖妹搭他膊頭，到孖妹落床後Edmond即時變生猛，大字形坐在床上又舉起雙腳十分搞笑。問Edmond是否怕醜？他說：「人不可以貌相，本諗住嚟試水床，點知得電動床。」提到黃柏高任星娛樂顧問，他說：「知道，尋日我先同佢食飯。（搵你過檔？）要睇緣分同時間，我同公司仲有年幾約，到時再算啦。」另Edmond透露演唱會有機會開Part 2。