許冠傑念亡兄︰成日想打畀佢

Sam昨日與囝囝許懷欣到母校大Jam經典歌，與校友分享「學生哥」年代百厭史，吸引近500名師生及歌迷圍觀。活動上，Sam更三度安哥並與校友齊唱由他創作，紀念校慶100周年的《明我以德》，場面溫馨。

有悼念環節

提到Sam哥哥許冠英早前離世，他在台上透露港大校長徐立之亦有寫信慰問，被問及心情是否已平復不少，Sam說：「仲好掛住佢，雖然知佢去咗，但成日想打畀佢，掛住佢嘅時候咪聽吓佢嘅歌，望吓佢啲相囉。」即將於4月再踏紅館舉行個唱，Sam透露會在騷上與哥哥許冠文及兩位兒子準備感人悼念環節紀念許冠英，他又說屆時有可能邀請港大校友謝安琪及許廷鏗擔任嘉賓。

許冠傑現身港大，借歌曲鼓勵學生及港人。	Sam與囝囝許懷欣齊Jam經典歌。	Sam表示非常掛住哥哥許冠英（左）。

另外，Sam於全新串燒歌MV中以《天才與白癡》形容下任特首候選人唐英年及梁振英，身為監製的高志森笑言擺Sam上枱，問到Sam支持哪位？Sam即笑說︰「邊個係天才白癡暫時未肯定。」

捍衞廣東話

以廣東歌揚名的Sam，對於廣東話遭打壓並遭內地學者直指說廣東話的屬「王八蛋」，Sam說：「覺得係歧視廣東語言同廣東人，唔應該。」至於818事件惹爭議，席上Sam特意為校友獻唱《浪子心聲》，並說：「係我嘅使命感，沙士期間我都復出，氹大家歡喜（校園文化受影響？）言論都係自由。」最後Sam再借歌詞為港人打氣與減壓說︰「命裏有時終須有，命裏無時莫強求。」

採訪：音樂組