婷婷安志杰孖住吸金懶理騷價
昨日謝婷婷與男友安志杰（Andy）出席情人節活動，二人又拖手又錫面，甜到漏。期間大會司儀問Andy如何維繫二人關係，Andy肉麻地說：「佢係我最愛嘅人，咁樣做好自然。」當問婷婷會否送香水來回敬男友愛的宣言時，她說：「唔會，佢好香。」
有指二人情侶出騷價要20萬，婷婷稱不清楚，但可以跟男友工作感到特別開心。提到情人節，她表示：「我哋平時有時間就會拍拖，又經常互送禮物，唔係情人節先會咁做。」雖然不能經常見面，但婷婷對Andy十分信任，不會查看對方手機短訊或行蹤。
另外，其兄霆鋒透露兒子Lucas想父母復合，婷婷聞言說；「佢咁cute，最緊要小朋友開心。（你會唔會幫口？）我唔會多問，哥哥都咁大個人。」