四太要猷君 帶女友過目

梁安琪昨日出席保良局辛卯年董事會新春團拜，身為保良局副主席的四太被問到如何度過農曆新年？她即表示：「仲問？你哋（記者）都影晒啦，咁耐好悶，問元宵啦。（咁會唔會再送『肉嘴』畀賭王慶祝元宵節？）基本上日日都送。」並透露昨晚已跟賭王及長女何超盈（Sabrina）提早吃飯慶祝元宵節：「啲細路返番英國，得Sabrina喺度。（何生有冇浪漫驚喜畀你？）周時都有，唔同大家分享。」另外，四太又透露超盈男友Greg新年亦有向她拜年，新年願望最緊要子女個個都乖。

讀書不宜太早拍拖

提到早前兒子猷君被拍得與不同外國女生外出，問到哪一個才是仔仔女朋友？四太表示：「邊個？唔清楚，通常都係成班同學仔上嚟玩。（繼承何生風流事？）傳媒揣測。」不過她都希望兒子用心讀書，不要太早拍拖，但就歡迎仔仔帶女仔回來見她，因為始終是開心事，又表示接受到新抱是外國人，更笑言：「何生啲細路都係mix啦，點會唔接受？最緊要啱Key。」

猷君早前被本報拍得與女友現身商場。

四太（右起）、梁寶珠、龐盧淑燕及郭少明太太（左）齊切燒豬。

龐太卸任大新抱上

而同場的保良局主席龐盧淑燕，則透露新春期間與大兒子龐維新及友人到馬爾代夫度假，這是她首次到當地，還見到鯊魚。提及她即將卸任保良局主席一職，她笑說：「落莊後會去旅行玩耐啲，返加拿大玩一個月啦。」至於會否叫兒子入局？她就表示：「新抱已經入咗啦。」意指大兒子太太龐董晶怡。

採訪：名人組