黃貫中否認朱茵有餡
黃貫中（Paul）和朱茵愛情長跑十多年，有雜誌指日前他陪凸肚朱茵睇中醫婦科，懷疑朱茵有B，昨日Paul接受本報訪問時否認將為人父，他沒好氣說：「雜誌邊有真嘢！隔幾年話一次，大肚冇得呃，傻嘅，自己睇到都想笑。」
Paul澄清朱茵只是精神緊張令皮膚不好，睇中醫調理身體，她是否肥到有肚腩？Paul說：「天氣凍着多件衫啫，我嫌佢瘦添呀，希望佢肥少少，多謝大家關心。（今年會否結婚？）好難講，我鍾意即興，到時話畀大家知，最緊要有呢一日，自己唔急，總之感情好穩定。」
朱茵昨日透過微博否認懷孕傳言：「就憑我的夾棉內衣？真神通。」又說雖然近期天氣回暖，為免被指「偷偷生了」，還會繼續穿厚衣。