許冠傑4月開騷 悼阿英
歌神許冠傑（Sam）自兄長許冠英於去年11月猝逝後，心情傷痛的他一直閉關不見人，明日是阿英逝世三個月，Sam這天終破關出席母校慶典；情緒已平復的他4月將再踏紅館開騷，據知，個唱上會有一part悼念阿英，望誠邀許冠文做嘉賓一同追憶手足情。
去年11月8日阿英在寓所疑心臟病發猝逝，其兄弟文、武、傑傷痛難過，跟阿英感情最好的Sam大受打擊，閉關避不見人，明日就是阿英逝世三個月，亦是Sam母校香港大學百周年慶典日子，畢業40年的Sam將在長子許懷欣陪同下，應邀返母校出席「阿Sam的天空」活動，跟學弟妹暢談其音樂創作歷程及當年港大生活和文化變遷。
任癲任唱準備罰錢
據大會主持黃志淙透露，早前Sam為母校寫了首歌《明我以德》，去年12月中錄音，當時阿英剛去世一個多月，Sam錄音時表現專業，不過大家只是傾歌曲製作問題，不便提及阿英，免勾起Sam的傷痛。
已經收拾心情的Sam，將於4月在紅館舉行三場《斤両十足演唱會》，據知，阿英本來是今次個唱的主要嘉賓，可惜已人去「台」空！據製作人高志森透露，演唱會上將有一part悼念阿英：「Sam心情好番好多，依家構思緊幾個方案畀佢揀，我哋會力邀許冠文參與，一定好感人。」
當年復出舞台哄動全港的Sam，今次個唱演繹經典歌曲為主，目前rundown有逾七十首歌，估計唱至凌晨12點才完騷，高志森笑說：「畀Sam癲吓，佢鍾意唱幾耐都得，超時罰錢都冇所謂。」
文：音樂組